LU RUSCIU TE LU MARE
 
‘Na sira nde passai te le patule
E ‘ntisi le ranocchiule cantare
 
Comu cantano belle ad una ad una
pariane lu rusciu te lu mare
 
Lu rusciu te lu mare è tanto forte
la fija te lu re se ndae la morte
 
Iddha se ndae la morte e ieu la vita
la fija te lu re sta se marita
 
Idda sta se marita e ieu me ‘nsuru
la fija te lu re me tae nu fiuru
 
Iddha me tae nu fiuru e ieu na parma
la fija te lu re se ndae alla Spagna
 
Iddha se ndae alla Spagna e ieu ‘n Turchia
la fija di lu re è la zita mia
_______________________
Canto popolare pugliese
(Sternatia, Lecce)
_______________________